រឿងឳពុកនិងកូនស្រី៖ ភាគទី១៩ - ធ្វើល្អបានអីមកវិញ?

ប្រហែលជាថ្ងៃទី២០ខែវិច្ឆិកា ឆ្នាំ២០២០ កូនស្រីខ្ញុំ សុភនាថ នាងសួរខ្ញុំថា "ប៉ា ធ្វើល្អបានអីមកវិញ?"។

 វាជាសំណួរមួយដែលលំបាកនឹងឆ្លើយ ព្រោះចម្លើយរបស់ខ្ញុំមិនស្រួល អាចនឹងបំផ្លាញទឹកចិត្តរបស់នាង។ អរគុណព្រះធម៌ដែលនាំអោយខ្ញុំអាចផ្តល់ចម្លើយជូននាងបាន ។

ខ្ញុំបានតបទៅកាន់សុភនាថ ថា "ធ្វើល្អបានអីមកវិញ? ចូរកូនចាំថា ការធ្វើល្អគឺជាទង្វើរបស់មនុស្សល្អ។ មនុស្សអាក្រក់មិនធ្វើទង្វើល្អនោះទេ។ ហើយបើកូនជាមនុស្សល្អ គឺច្បាស់ណាស់ថាកូននឹងធ្វើទង្វើល្អៗ"។ ហើយប៉ាសុំសួរវិញ តើអំពើល្អមានដូចជាអ្វីខ្លះ? ...ការសន្ទនាក៏បានបន្ត...នាងឆ្លើយបានយ៉ាងក្បោះក្បាយនូវអ្វីដែលហៅថាសេចក្តីល្អ។