រឿងឳពុកនិងកូនស្រី - ភាគទី១៧

ថ្ងៃនេះថ្ងៃទី១ ខែវិច្ឆិការ ឆ្នាំ២០១៨។ ខ្ញុំបានមកជួបកូនស្រីទាំងពីររបស់ខ្ញុំ។ អូនសួស្តីបានចូលសាលាបានតែ២ថ្ងៃ ក៏យំឈប់ទៅសាលា ទោះបីជាលួលោម លើកទឹកចិត្តយ៉ាងណាក៏អូនសួស្តីអត់ទៅដែរ។ អូនសួស្តីប្រើប្រាស់គ្រប់វិធីសាស្ត្រដើម្បីគេចមិនចូលរៀន។ ម្សិលមិញ អូនសួស្តីបានសម្រេចចិត្តថាទៅម្តងទៀត ព្រោះបានសន្យានឹងប៉ាប៉ាថាទៅ។ ល្ងាចមិញ ពេលឃើញប៉ាប៉ាទៅដល់ភ្លាម អូនស្តីក៏ស្ទុះវឹងហុចក្រដាសមួយសន្លឹកអោយប៉ាប៉ាមើល រួចនិយាយទាំងអារម្មណ៏មោទនៈភាព៖

- សួស្តី៖ ប៉ាប៉ា! អូនទៅរៀនហើយ ទៅព្រឹកមិញ។ នេះនែក រូបអូនគូរ។

ប៉ាប៉ាបានយកក្រដាសនោះមកមើលយ៉ាងភ្ញាក់ផ្អើល រួចពោល៖

- ប៉ាប៉ា៖ wow...រូបសួស្តីគូ និងផាត់ព័ណ៌? ប៉ាប៉ាមិនដែលឃើញរូបអ្នកណាគេផាត់ព័ណ៌បានស្អាតអញ្ចឹងទេ។ សួស្តី ពូកែរើសព័ណ៌ណាស់ ទាំងព័ណ៌សក់ និងព័ណ៌អាវ។ ពិតជាពូកែមែនអូនសួស្តី។

អូនសួស្តី សម្តែងអាការៈរីករាយ និងពោរពេញទៅដោយមោទនៈភាព ហើយពោលមកកាន់ប៉ាប៉ា៖

- សួស្តី៖ អូនទៅរៀន អូនចេះរាប់ខែទៀតហ្ន។

ថាហើយ អូនស្តី ក៏រាប់អោយប៉ាប៉ាស្តាប់ រួចហើយប៉ាប៉ាក៏ពោលទៅកាន់អូនស្តី៖

- ប៉ាប៉ា៖ wow...សួស្តីពូកែចាំម៉េស? ខែមានចំនួន១២ខែ សួស្តីរាប់ត្រូវរហូតដល់ទៅ៨ឯណោះ សួស្តីពិតជាពូកែមែន។ ទៅរៀនមួយថ្ងៃប៉ុណ្ណោះ ចេះបានប៉ុណ្ណឹងហើយ ចុះទម្រាំទៅរៀនរាល់ថ្ងៃទៀតនោះ?

សួស្តីញញឹម និងសើចទាំងរីករាយ។ ប៉ាប៉ា ក៏បានបន្ត៖

- ប៉ាប៉ា៖ អញ្ចឹងស្អែកទៅរៀនទៀត ដើម្បីអោយចេះកាន់តែច្រើន។

- សួស្តី៖ អត់ទេ អត់ទៅរៀនទេ ព្រោះសាលាអត់រៀន។

***ខំលើកទឹកចិត្ត ចុងក្រោយក៏ប្រកែកអត់ទៅដដែល។

****ថ្ងៃនេះ ថ្ងៃទី២ខែវិច្ឆិការ ឆ្នាំ២០១៨ សួស្តីក៏សម្រេចទៅរៀនទៀត ហើយចាំមើលល្ងាច តើមានរឿងអីដែលអូនសួស្តីចង់ប្រាប់ប៉ាប៉ា?