ចេតនានៃចិត្ត

 មានគេសួរខ្ញុំមួយសំណួរ បន្ទាប់ពីឃើញផូសដែលខ្ញុំយកថវិការជូនលោកតាធាក់សីុក្លូដែលបានរងគ្រោះដោយរថយន្តបុក។ សំនួរនោះសួរថា បើធ្វើបុណ្យហេតុអ្វីចាំបាច់ថតផូសផ្សព្វផ្សាយក្នុងហ្វេសប៊ុក?

ពីខ្ញុំវិញ៖ ចេតនានៃចិត្ត។ ចេតនានៃចិត្តគឺសំខាន់ជាងអ្វីទាំងអស់ ហើយគ្មានអ្នកណាដឹងច្បាស់អំពីចេតនានៃចិត្តរបស់អ្នកផូសជាជាងអ្នកផូសខ្លួនឯងនោះទេ។ បើចេតនានៃចិត្តរបស់អ្នកផូស ផូសដើម្បីបំប៉ោងខ្លួននោះ នោះគេនឹងទទួលបានផលនោះពីហេតុដែលចេញមកទៅតាមនោះដែរ ហើយបើសិនជាចេតនានៃអ្នកផូសនោះ មានចេតនាជាកុសល ចេតនានៃការផ្សព្វផ្សាយមេត្តាធម៌នោះ នោះគេនឹងទទួលបាននូវផលពីចេតនានៃចិត្តរបស់គេដូចគ្នា។

ចេតនានៃចិត្តរបស់បុគ្គលម្នាក់ៗ មិនគួរត្រូវបានអ្នកដទៃយកទៅបកស្រាយនោះទេ។

សូមអោយមនុស្សទាំងឡាយបានទទួលការពិសោធន៏ឃើញនៃសេចក្តីសុខពីចិត្តដែលមានមេត្តាធម៌ ហើយនឹងបន្តផ្សព្វផ្សាយមេត្តាធម៌ដល់អ្នកដែលមានទុក្ខទាំងពួង។

ថ្ងៃទី០៩ ខែកុម្ភៈ ឆ្នាំ២០១៩